अहिलेसम्म सयभन्दा कम संक्रमित रहेका १६ जिल्ला 

काठमाडौं– हालसम्म १६ जिल्लामा कुल संक्रमितको संख्या सय पुगेको छैन। 

स्वास्थ्य तथा जनसंख्या मन्त्रालयका अनुसार खोटाङमा ९२, ताप्लेजुङ ३८, तेह्रथुम ५७, धनकुटामा ८६, पाँचथरमा ४४, भोजपुरमा ६३ र सोलुखुम्बुमा २० जनालाई हालसम्म संक्रमण भएको छ। 

त्यसैगरी रसुवामा ३० जना, मनाङमा ५, मुस्ताङ ३, म्याग्दी ८०, रुकुम पूर्व ८८, जाजरकोट ७६, डोल्पा १८, मुगु १६ र हुम्लामा १५ जना कुल संक्रमित भएका छन्। 

त्यसमा पनि खोटाङमा ६७ जना संक्रमणमुक्त भइसकेका छन्। त्यसैगरी ताप्लेजुङमा २६, तेह्रथुम ३९, धनकुटा ५८, पाँचथर ६७, भोजपुर ४६ र संखुवासभाका १६ जना संक्रमणमुक्त भइसकेका छन्। 

रसुवाका २१, मनाङका ५ मध्ये ४, मुस्ताङका ३ मध्ये १ जना संक्रमणमुक्त भएको स्वास्थ्य मन्त्रालयले जनाएको छ। 

रुकुम पूर्वका ७९, जाजरकोटका ७३, डोल्पाका ५, मुगुका १५ र हुम्लाका ७ जना पनि संक्रमणमुक्त भएका छन्।