प्रदेश १ : कोरोनाबाट एकै दिन नौ जनाको मृत्यु, थप ६५४ जनामा संक्रमण

विराटनगर- प्रदेश १ मा पछिल्लो २४ घण्टामा कोरोना भाइरस संक्रमणबाट नौ जनाको मृत्यु भएको छ।

कोरोना संक्रमणबाट सुनसरीमा पाँच, मोरङ र तेह्रथुममा दुई–दुई जनाको मृत्यु भएको सामाजिक विकास मन्त्रालयले जनाएको छ। प्रदेशमा अहिलेसम्म कोरोनाबाट मृत्यु हुनेको संख्या १२१ पुगेको छ। 

पछिल्लो २४ घण्टामा प्रदेश १ मा ६५४ जना कोरोना संक्रमित थपिएका छन्। दैनिक संक्रमण संख्यामा यो अहिलेसम्मकै उच्च हो। 

मोरङमा ३२६, सुनसरीमा २०९, झापामा ७४, संखुवासभामा नौ, उदयपुरमा चार, भोजपुर, तेह्रथुम, इलाम र ताप्लेजुङमा दुई–दुई र प्रदेश १ बाहिरका २४ जनामा संक्रमण देखिएको छ। 

मन्त्रालयका अनुसार विराटनगरमा २२५ जना संक्रमित थपिएका छन्। संक्रमण देखिएकामा १०० महिला र १२५ पुरुष छन्। मोरङको सुन्दरहरैंचामा २५, पथरी शनिश्चरेमा १५, कानेपोखरी र बूढीगंगामा १३–१३, बेलबारीमा १०, रतुवामाईमा सात, कटहरीमा ६, ग्रामथानमा चार, धनपालथान र रंगेलीमा दुई–दुई, केराबारी र उर्लाबारीमा एक–एक र स्थानीय तह नखुलेका दुई जना छन्।

सुनसरीको धरानमा १३२, इटहरीमा ४८, बराह क्षेत्रमा आठ, दुहवी र इनरुवामा चार–चार, बर्जु, रामधुनी र गढीमा तीन–तीन, हरिनगरमा दुई, कोसी गाउँपालिका र स्थानीय तह नखुलेका एक–एक जनाको रिपोर्ट पोजेटिभ आएको छ। 

झापाको बिर्तामोडमा ३१, भद्रपुरमा ११, दमक र अर्जुनधारामा नौ–नौ, बुद्धशान्तिमा चार, कनकाईमा तीन, मेचीनगरमा दुई, गौरादह, गौरीगन्ज, कमल, झापा गाउँपालिका र स्थानीय तह नखुलेका एक–एक जनाको रिपोर्ट पोजेटिभ आएको छ।

संखुवासभाको खाँदबारीमा नौ, उदयपुरको चौदण्डीगढीमा चार, भोजपुरमा दुई, तेह्रथुमको लालीगुराँस र स्थानीय तह नखुलेका एक–एक, इलामको देउमाई र स्थानीय तह नखुलेका एक–एक, ताप्लेजुङको श्रीजंगा र फुङलिङमा एक–एक र प्रदेश १ बाहिरका २४ जनाको रिपोर्ट पोजेटिभ आएको छ। 

प्रदेश १ मा कोरोना संक्रमितको संख्या १२ हजार २६९ पुगेको छ। 

प्रदेश १ मा विहीबार ३२६ जना कोरोनामुक्त भएका छन्। होम आइसोलेसनबाट ३०४, कोसी अस्पताल कोभिड १९ उपचार केन्द्रबाट १२, कोभिड १९ अस्पताल गोठगाउँबाट नौ र मेची अस्पतालबाट एक जना डिस्चार्ज भएका हुन। हालसम्म डिस्चार्ज हुनेको संख्या पाँच हजार ३३९ पुगेको छ।

प्रदेश १ मा विहीबार एक हजार ६४६ जनाको पीसीआर परीक्षण गरिएको छ। परीक्षण गरिएकामध्ये २४१ म्हिला र ४१३ पुरुषको रिपोर्ट पोजेटिभ आएको छ। प्रदेशमा एक लाख ४२ हजार ५२३ जनाको पीसीआर परीक्षण गरिएको सामाजिक विकास मन्त्रालयले जनाएको छ।