थप ३७ सय ४९ मा कोरोना पुष्टि, ३५ सय ८४ जना डिस्चार्ज

काठमाडौं- पछिल्लो २४ घण्टामा नेपालमा थप ३ हजार ७४९ जनामा कोरोना संक्रमण पुष्टि भएको छ। याेसहित कोरोना संक्रमितको कुल संख्या १ लाख २१ हजार ७४५ पुगेको छ।

पछिल्लो २४ घण्टामा १६ हजार ५९८ जनाको पीसीआर परीक्षण गरिएको छ। हालसम्म १२ लाख ३७ हजार ६३६ जनाको पीसीआर परीक्षण गरिएको स्वास्थ्य तजा जनसंख्या मन्त्रालयले जानकारी दिएको छ।

आज ३६ हजार ५३३ जना सक्रिय संक्रमित रहेका छन्। जसमध्ये १२ हजार ३३९ जना संस्थागत आइसोलेसनमा र २४ हजार १९४ जना होम आइसोलेसनमा छन्।

४ हजार ८२५ जना क्वारेन्टिनमा रहेको मन्त्रालयले जनाएको छ।

आज ३ हजार ५८४ जना कोरोनामुक्त भएर डिस्चार्ज भएका छन्। योसहित कोरोना संक्रमणमुक्त भएपछि डिस्चार्ज हुनेको संख्या ८४ हजार ५१८ पुगेको छ।

पछिल्लो २४ घण्टामा १९ जनाको कोरोना संक्रमणबाट मृत्यु भएको छ। यो सहित नेपालमा कोरोना संक्रमणबाट मृत्यु हुनेको संख्या ६९४ पुगेको छ।