मन्त्रिपरिषद् पुनर्गठन : विष्णु पौडेल अर्थ, सञ्चारमा पार्वत गुरुङ

काठमाडौं- तीनवटा मन्त्रालयमा नयाँ मन्त्रीको नियुक्तिसँगै मन्त्रिपरिषद् पुनर्गठन भएको छ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले नेकपाका महासचिव विष्णु पौडेललाई अर्थमन्त्रीमा नियुक्त गरेकी छन् भने सूचना तथा सञ्चार प्रविधि मन्त्रीमा पार्वत गुरुङलाई नियुक्त गरेकी छन् ।

त्यस्तै कृष्ण गोपाल श्रेष्ठलाई सहरी विकास मन्त्रालयको जिम्मेवारी दिइएको छ ।

यसैगरी लिलानाथ श्रेष्ठलाई महिला, बालबालिका तथा ज्येष्ठ नागरिक मन्त्रालयको जिम्मेवारी दिइएको छ ।

पार्वत गुरुङ यसअघि महिला, बालबालिका तथा ज्येष्ठ नागरिक मन्त्रीकाे जिम्मेवारीमा थिए।

प्रधानमन्त्री ओलीले ईश्वर पोखरेलबाट रक्षा मन्त्रालय खोसेर आफ्नो मातहतमा राखेका छन् भने पोखरेल प्रधानमन्त्री तथा मन्त्रीपरिषद्को कार्यालयमा सिमित भएका छन्।

बुधबार बिहान नेकपाका दुई अध्यक्ष ओली र पुष्पकमल दाहालबीच छलफल भएपछि दिउँसो मन्त्रिपरिषद् पुनर्गठन भएको हो।