तालिबान वरिष्ठ अधिकारी भन्छन्- अफगानिस्तानमा फेरि हात-खुट्टा काट्ने सजाए दिइनेछ

काठमाडौं- तालिबान शासनमा धर्मको पालना सुनिश्चित गर्ने मन्त्रालयका प्रमुख मुल्ला नूरूद्दीन तुराबीले अफगानिस्तानमा एक पटक फेरि अपराधका लागि मृत्युको सजाए तथा हात खुट्टा काट्ने सजाएको व्यवस्था गरिने बताएका छन्।

दुई दशक पहिले तालिबानको शासनका दौरान अपराधका लागि कठोर सजाए दिने मुल्ला नूरूद्दीन यतिबेला अफगानिस्तानका जेलको जिम्मेवारी सम्हालिरहेका छन्।

उनले समाचार एजेन्सी एपीलाई भनेका छन्, 'आवश्यक पर्‍यो भने मानिसको शरीरका अंग काट्ने सजायलाई फेरि लागू गर्न सकिन्छ।'

उनले १९९० को दशकमा तालिबानको सरकारको पालामा अपराधिलाई यस्तो सजाय सार्वजनिक स्थलमा दिइन्थ्यो। तर, नयाँ शासनका क्रममा यस्तो भने गरिने छैन।

उनले तालिबान शासन कठोर हुने टिप्पणी भइरहेको प्रति आपत्ति जनाएका छन्। 'हामीलाई कानुन कस्तो हुनुपर्छ भनेर सिकाइरहनु पर्दैन,' उनले  भनेका छन्।

यस वर्ष १५ अगस्टमा अफगानिस्तानमा कब्जा जमाएको तालिबानले आम नागरिकका लागि सख्त कुनै कानुन लागू नगर्ने जनाएको थियो। तर, देशका थुप्रै स्थानमा मानवअधिकार हनन् तथा मानिससँगको बर्बर व्यवहारका खबरहरू आइरहेका छन्।

आइतबार ह्युमन राइट्स वाचले चेतावनी दिएकी थियो की, 'हेरातमा तालिबानले हाइप्रोफाइल महिलाहरूलाई खोजी रहेको छ। महिलाहरूलाई घर बाहिर जानबाट बन्देज लगाइरहेको छ। उनीहरूको पोसाकलाई लिएर पनि प्रतिबन्ध लगाइरहेको छ।'