२८ वर्षीया महिलाले जन्माइन् पाँच शिशु, चारको अवस्था सामान्य

थापाथलीस्थित परोपकार प्रसूति गृहमा सोमबार २८ वर्षीया महिलाले पाँच शिशु जन्माएकी छन्।

नेपाल समय | सोमबार, असोज १९, २०७७

नेपाल समय

सोमबार, असोज १९, २०७७

२८ वर्षीया महिलाले जन्माइन् पाँच शिशु, चारको अवस्था सामान्य

काठमाडौं– थापाथलीस्थित परोपकार प्रसूति गृहमा सोमबार २८ वर्षीया महिलाले पाँच शिशु जन्माएकी छन्।

नुवाकोटकी सोमिका तामाङले पाँच शिशुलाई जन्म दिएको अस्पतालका स्त्री तथा प्रसूति रोग विशेषज्ञ डा. कृतिपाल सुवेदीले जानकारी दिए।

सुवेदीकै नेतृत्वमा ती महिलाको शल्यक्रिया गरिएको थियो। शिशुमध्ये जीवित चारवटी छोरी र मृत्यु भएका शिशु छोरा रहेको सुवेदीले बताए।

प्रसूति गृहमा नियमित गर्भ जाँच गराइरहेकी तामाङको तीन साताअघि भिडियो एक्सरे गर्दा एक बच्चाको गर्भमै मृत्यु भएको थाहा भएपछि चिकित्सकले अस्पतालमा नै राखेर उपचार गरिएको थियो।

हाल आमा र चार जना शिशुको स्वास्थ्य अवस्था सामान्य छ। चार शिशुमध्ये एउटाको तौल एक किलो नौ सय ग्राम छ। अन्यको तौल क्रमशः एक किलो आठ सय ग्राम, एक किलो ६ सय ग्राम र आठ सय ग्राम रहेको सुवेदीले जानकारी दिए।

प्रकाशित: Oct 05, 2020| 11:20 सोमबार, असोज १९, २०७७