३ महिनापछि खुल्यो तातोपानी नाका, भित्रिए ११ कन्टेनर

नेपाली अधिकारी र चिनियाँ अधिकारीबीच भएको सहमतिअनुसार करिब तीन महिनापछि तातोपानी नाका पुनःसञ्चालनमा आएको छ ।

नेपाल समय | सोमबार, असोज १९, २०७७

नेपाल समय

सोमबार, असोज १९, २०७७

३ महिनापछि खुल्यो तातोपानी नाका, भित्रिए ११ कन्टेनर

काठमाडौं- नेपाली अधिकारी र चिनियाँ अधिकारीबीच भएको सहमतिअनुसार करिब तीन महिनापछि तातोपानी नाका पुनःसञ्चालनमा आएको छ ।

असार २५ गतेदेखि बन्द तातोपानी नाकाबाट आइतबारदेखि चिनियाँ सामग्री आउन शुरु गरेको हो ।

यही असोज १३ गते चीनको स्वशासित क्षेत्र तिब्बतको खासामा अड्किएका सामान नेपाल भित्र्याउन तातोपानी नाका सञ्चालन गर्ने सहमति भएको थियो ।

तातोपानी भन्सार कार्यालयका प्रमुख लालबहादुर खत्रीले चिनियाँ पक्षले सामान मितेरी पुलमा अनलोड गरेको जानकारी दिए । आज ती सामान तातोपानी सुख्खा बन्दरगाहमा आइपुग्ने बताइएको छ । भन्सार जाँचपासपछि केही दिनमा ती सामग्री काठमाडौँ पठाइनेछ ।

कोरोना भाइरसको सङ्क्रमण नहोस् भनेर तातोपानी भन्सार कार्यालयले २९ जनाको दुई टोलीलाई सामान लोड, अनलोड गर्न तयारी अवस्थामा राखेको छ ।

प्रकाशित: Oct 05, 2020| 00:45 सोमबार, असोज १९, २०७७