जुट मिल्सको पर्खाल भत्किएर एक महिलाको मृत्यु

विराटनगर जुट मिल्सको पर्खाल भत्किएर किच्दा बिहीबार दिउँसो एक महिलाको मृत्यु भएको छ।

नेपाल समय | बिहीबार, असोज ८, २०७७

नेपाल समय

बिहीबार, असोज ८, २०७७

जुट मिल्सको पर्खाल भत्किएर एक महिलाको मृत्यु

विराटनगर– विराटनगर जुट मिल्सको पर्खाल भत्किएर किच्दा बिहीबार दिउँसो एक महिलाको मृत्यु भएको छ।

मृत्यु हुनेमा विराटनगर महानगरपालिका–१५ की ५५ वर्षीया समेरुन निसा रहेको मोरङ प्रहरीका प्रवक्ता डीएसपी मानबहादुर राईले बताए।

घर नजिकैको भवन छेउमा रहेको कलमा पानी लिन गएकी महिलालाई गोडा धुँदै गरेको अवस्थामा पर्खाल लडेर किचेको डीएसपी राईले बताए।

उनको उपचारका क्रममा विराटनगरको न्युरो अस्पतालमा दिउँसो १ बजे मृत्यु भएको प्रहरीले जनाएको छ ।

क्वार्टर भवन जीर्ण हुँदा पनि मर्मत सम्भारका लागि चासो नदिनु मिल्स व्यवस्थापनको गम्भीर लापरबाही रहेको स्थानीय बासिन्दाको गुनासो छ।
उनीहरुले व्यवस्थापनका कारण मानवीय क्षति हुने घटना निम्तिएको भन्दै दोषीमाथि कारबाही र पीडित परिवारलाई उचित क्षतिपूर्ति दिइनुपर्ने माग राखेका छन्।

प्रकाशित: Sep 24, 2020| 10:44 बिहीबार, असोज ८, २०७७