कांग्रेस महामन्त्री कोइराला कोरोना संक्रमणमुक्त

काठमाडौं– नेपाली कांग्रेसका महामन्त्री डा. शंशाक कोइराला कोरोना संक्रमणमुक्त भएका छन्। 

उनको अन्तिम स्वाब परीक्षण रिपोर्ट नेगेटिभ देखिएको छ। 

कोइरालाले बिहीबार सामाजिक सञ्जाल फेसबुकमा आफू कोरोना संक्रमण मुक्त भएको जानकारी दिएका छन्। 

२३ भदौमा कोरोना भाइरस संक्रमण भएपछि उनी होम आइसोलेसनमा बसेका थिए। त्यसपछि स्वास्थ्यमा समस्या भएपछि उनलाई ओम अस्पतालको आइसोलेसनमा राखिएको थियो।

चिकित्सकको सल्लाहबमोजिम केही दिन होम आइसोलेसनमै बस्ने कोइरालाले जानकारी दिएका छन्। 

उनी त्यसपछि पार्टीको नियमित काममा फर्कनेछन्।

‘मेरो स्वास्थ्य अवस्थाबारे नियमित चासो चिन्ता र शुभेच्छा तथा स्वास्थलाभको कामना गर्नुहुने सम्पूर्ण दिदीबहिनी तथा दाजुभाइहरु, पार्टीका साथीहरू, पत्रकार मित्रहरु, तथा उपचारमा संलग्न चिकित्सक टिमलाई पुनः हृदयदेखि नै धन्यवाद व्यक्त गर्दछु,’ उनले फेसबुकमा लेखेका छन्।