काठमाडौं- युवा तथा खेलकुद मन्त्रालयले खेलकुद पुरस्कार तथा सम्मानका लागि आवेदन पेस गर्न अनुरोध गरेको छ। उसले खेलकुदमा योगदान पुर्याएका व्यक्तिहरुलाई पुरस्कृत गर्न आवेदन माग गरेको बताएको छ।
‘खेलुदका क्षेत्रमा योगदान पुर्याएका खेलाडी, प्रशिक्ष, निर्णायक, व्यवस्थापक, खेल चिकित्कस, राष्ट्रिय खेल संघ र खेल प्रायोजक संस्थालाई राष्ट्रिय प्रतिभा पुरस्कार तथा सम्मान गरिँदै आएको छ,’ मन्त्रालयले जारी गरेको सूचनामा भनिएको छ।
मन्त्रालयले आवेदनका लागि २१ दिनको समय दिएको छ। साथै उसले विगतमा सम्मान गरेकालाई राष्ट्रिय प्रतिभा पुरस्कारमा समावेश नगरिने बताएको छ।
राष्ट्रिय खेलकुद प्रतिभा सम्मान कार्यविधि २०६८ को अनुसूची २ र ३ को ढाँचामा आवेदन दिनुपर्ने छ। आवेदन मन्त्रालयको साइट info@moys.gov.np मा पठाउन सकिने छ।