हाल्यान्डको २ गोलसँगै डर्टमुन्डको सुखद सुरुवात

काठमाडौं- जर्मन लिग बुन्डेसलिगामा साविक उपविजेता हाल्यान्डले सुखद सुरुवात गरेको छ।

शनिबार राति भएको खेलमा उसले घरेलु मैदानमा ग्लाबाखलाई ३–० गोलले हराउँदै सुखद सुरुवात गरेको हो।

जितका लागि इर्लिङ ब्रउट हाल्यान्डले २ गोल गरे भने गिभिन्नी रियनले १ गोल गरे। खेलको ३५ औं मिनेटमा रियनले गोल गर्दै डर्टमुन्डलाई सुरुवाती अग्रता दिलाए।

पहिलो हाफमा एक गोलले अघि रहेको डर्टमुन्डले दोस्रो हाफमा दुई गोल थप्यो। हाल्यान्डले ५४ औं मिनेटमा पेनाल्टीमा पाएको अवसरको सदुपयोग गर्दै गोल गरे भने ७७ औं मिनेटमा दोस्रो गोल गर्दै डर्टमुन्डलाई ३–० अन्तरले जिताए।

पहिलो खेलमा जित निकाल्दै घरेलु टिमले ३ अंक जोडेको छ।

त्यस्तै शनिबार राति नै सम्पन्न अन्य खेलमा फ्रांकफ्रुटले अर्मिनियासँग १–१ गोलको बराबरी खेलेको छ भने युनियन बर्लिनले अगस्बर्गसँग ३–१ गोलले पराजित हुँदा हेर्था बर्लिनले वेर्डरसँग ४–१ गोलको जित निकालेको छ।

आजका खेल-

लाइप्जिक र माइन्ज, राति ७:१५ बजे

वुल्भ्सबर्ग र लेवरकुसन, राति ९ः४५ बजे।