साविक विजेता मुम्बईलाई हराउँदै पहिलो खेलमा चेन्नई विजयी

काठमाडौं– इन्डियन प्रिमियर लिग (आईपीएल)को उद्घाटन खेलमा साविक विजेता मुम्बईलाई हराउँदै चेन्नई सुपर किंग्स विजयी भएको छ। यूएईको अवुधावीमा सम्पन्न खेलमा चेन्नईले ५ विकेटको जित निकालेको हो।

टस हारेर ब्याटिङको निम्तो पाएको मुम्बईले उत्कृष्ट सुरुवात गर्दै पूरा ओभर खेलेर ९ विकेटको क्षतिमा १६२ रन बनाएको थियो। १६३ रनको लक्ष्य पाएको चेन्नईले ४ बल बाँकी रहँदै ५ विकेट गुमाएर लक्ष्य पूरा गर्यो।

ब्याटिङको निम्तो पाएको मुम्बईका सौरव तिवारीले सर्वाधिक ४२ रन बनाए। त्यस्तै, क्विन्टन डि ककले ३३, केइरोन पोलार्डले १८ रन बनाए भने सुर्यकुमार यादवले १७ रन बनाए। ओपनर एवम् कप्तान रोहित शर्मा भने १२ रनमै आउट भए।

यता चेन्नईका लुंगी निगिदीले ३ विकेट लिए भने दिपक चहर र रविन्द्र जाडेजाले समान २–२ विकेट लिए।

त्यस्तै, जवाफी ब्याटिङमा आएको चेन्नईका अम्बाती रायडूले ७१ रनको अर्धसतकिय पारी खेले। त्यस्तै फाफ डू प्लेसिसले अविजित ५८ रन बनाए भने साम कुरनले १९ रन जोडे।

मुम्बईका ट्रेन्ट बोल्ट, जेम्स पटिन्सन्, स्प्रित बुमराह, क्रुनल पाण्ड्या र राहुल चहारले समान १ –१ विकेट लिए।