आइएपीएलको सहप्रायोजकमा ‘भीआई’

काठमाडौं– यही सेप्टेम्बर १९ बाट सुरु हुन लागेको इन्डियन प्रिमियर लिग (आईपीएल)मा टेलिकम अपरेटिङ कम्पनी भोडाफोन–आइडिया (भीआई) सहप्रायोजकका रुपमा रहने भएको छ। युनाइटेड अबर इमिरेट्स (यूएई)मा शनिबारबाट हुने प्रतियोगितामा भोडाफोनले हिस्सा लिन लागेको हो।

भोडाफोन र आइडियाले आईपीएल क्रिकेट टुर्नामेन्टमा पहिलेदेखि नै हिस्सा लिँदै आएका छन्। तर २०१८ मा यी दुवै कम्पनी गाभिएपछि भने आईपीएलमा पहिलोपटक हिस्सा लिएको हो।

अहिले यो कम्पनीलाई भीआईको नामले चिनिन्छ। उसले गत हप्तामात्र आफ्नो ब्रान्ड आइडेन्टिटी लन्च गर्दै दुई कम्पनीको संयुक्त नाम ‘भीआई’ राखेको हो।

भीआईलाई टी–२० लिगको लाइभ ब्रोडकास्टको अधिकार पनि मिलेको छ। यही टेलिकास्टबाट स्टार स्पोर्टस् नेटवर्कमा जानेछ।

पछिल्लो समय चीन र भारतबीच सीमा विवाद बढेपछि चिनियाँ कम्पनी भिभोले आईपीएलको स्पोन्सर फिर्ता लिएको थियो।

४४० करोड भारतीय रूपैयाँको स्पोन्सरसिप फिर्ता लिएपछि भारतीय क्रिकेट कन्ट्रोल बोर्ड (बीसीसीआई)ले २२० करोड भारतीय रूपैयाँमा स्पोन्सरसिप ड्रिम ११ लाई बेचेको थियो।