सेरेनालाई हराउँदै भिक्टोरिया यूएस ओपनको फाइनलमा, उपाधिका लागि ओशाकासँग भिड्ने

काठमाडौं– ग्लोबल स्टार सेरेना विलियम्सलाई हराउँदै बेलारुसियन पूर्व नम्बर वान भिक्टोरिया अजरेन्का यूएस ओपनको फाइनलमा प्रवेश गरेकी छन्। उनले सेमीफाइनलमा सेरेनालाई २–१ ले हराउँदै फाइनल प्रवेश गरेकी हुन्।

त्यस्तै, विश्व महिला टेनिस वरियतामा चौथो नम्बरकी जापानी स्टार नाओमी ओशाका पनि यूएस ओपनको फाइनलमा प्रवेश गरेकी छन्। उनले अमेरिकी खेलाडी जेनिफिर ब्राडीलाई हराउँदै फाइनल प्रवेश गरेकी हुन्।

ओशाका २०१८ को यूएस ओपनको विजेतासमेत हुन्। पहिलो प्रतिस्पर्धात्मक खेलमा ७–६ (७–१) को जित निकालेकी ओसाका दोस्रो खेलमा भने ३–६ को अन्तरले पछि परेकी थिइन् तर तेस्रो तथा निर्णायक खेलमा भने उनले ६–३ को जित निकाल्दै ब्राडीलाई स्तब्ध पारिन्।

अब ओशाकाले फाइनलमा पूर्व नम्बर वान भिक्टोरिया अजरेन्कासँग प्रतिस्पर्धा गर्नेछिन्।

भिक्टोरियासँग पराजित सेरेनाले २०१२ र २०१३ को फाइनलमा उनलाई हराउँदै उपाधि जितेकी थिइन्। सेरेनाले यसअघि ६ पटक यूएस ओपनसहित २३ पटक ग्रानस्लास्म जितिसकेकी छिन्।

हारसँगै सेरेनाको २४ औं उपाधि जित्ने मनोकांक्षा सकिएको छ। उनी १–६, ६–३ र ६–३ सेटमा पराजित भएकी थिइन्। पुरुषतर्फको सेमीफाइनल खेल भने शनिबार हुनेछ।

त्यस्तै पुरुष महिला दुवै तर्फका फाइनल खेल सेम्टेम्बर १३ (आइतबार) हुनेछ।