सहकर्मीलाई धम्क्याएर यौन शोषण गरेको आरोपमा अस्पतालका लेखा अधिकृत पक्राउ

काठमाडौं– दुई महिला सहकर्मीलाई धम्क्याएर बारम्बार यौन शोषण गरेको आरोपमा पोखराको हिमालय आँखा अस्पतालका लेखा अधिकृत वामदेव सुवेदीलाई प्रहरीले पक्राउ गरेको छ।

यौन शोषणमा परेकी महिलाले प्रहरीमा मंगलबार जाहेरी दिएपछि प्रहरीले सुवेदीलाई पक्राउ गरेको हो।

सहकर्मीलाई धम्क्याएर बारम्बार यौन शोषण गरेको आरोपमा पक्राउ गरिएको जिल्ला प्रहरी कार्यालय कास्कीका प्रवक्ता सुभास हमालले बताए। अधिकृत सुवेदीलाई करणीसम्बन्धी कसुरमा मुद्दा परेपछि गिरफ्तार गरिएको प्रवक्ता हमालले बताए।

सुवेदीले आफूलाई बारम्बार डर धम्की देखाई यौन शोषण गरेकाले कारबाही गरिपाउँ भनी अस्पतालकै एक महिला कर्मचारीले मजदूर युनियनमा निवेदन दिएपछि घटना बाहिर आएको बुझिएको छ।

पीडित महिलाले उजुरी दिएसँगै अस्पताल प्रशासनले सुवेदीलाई भदौ १ं९ गते निलम्बन गरेको थियो। प्रहरीले जिल्ला अदालतबाट म्याद थप गरेर अनुसन्धान थालेको जनाएको छ।