ताप्लेजुङ- अविरल वर्षाका कारण ताप्लेजुङको नागदेवा लघु जलविद्युत् आयोजनाको पावर हाउसमा झरेको पहिरोमा परी दुईजनाको ज्यान गएको छ ।
आइतबार राति पहिरोले सिरिजंघा गाउँपालिका–४ तेल्लोकमा पावर हाउसमा काम गर्ने ३० वर्षीय राजु लिम्बू र उनका साथी विष्णुराज ५५ वर्षिय थेबेको ज्यान गएको जिल्ला प्रहरी कार्यालय ताप्लेजुङले जनाएको छ ।
विहान ६ बजे खबर पाएसँगै घटनास्थलमा गएका प्रहरी तथा स्थानीयबासीको सहायतामा मृतकहरुको शव निकालिएको र पोष्टमार्टमका लागि जिल्ला अस्पताल ताप्लेजुङ ल्याउने तयारी भएको छ ।
प्रकाशित: Sep 07, 2020| 10:12 सोमबार, भदौ २२, २०७७
