सेमीफाइनलमा सन्दीपको टिम तलावाजले ट्रिनबागोसँग भिड्ने

काठमाडौं- क्यारेबियन प्रिमियर लिग(सीपीएल)मा नेपाली लेग स्पिनर सन्दीप लामिछानेको टिम जमैका तलावाजले सेमीफाइनलमा अपराजित टिम ट्रिनबागो नाइट राईडर्ससँग खेल्ने भएको छ।

तलावाजले १० खेलमा ३ जित, एक बाराबरी र ६ हारका साथ सेमीफाइनलमा प्रवेश गरेको हो भने ट्रिबागो १० खेलमै जित निकालेर शीर्षस्थानमा रहँदै सेमीफाइनल पुगेको हो।

राउन्ड रोबिनको दुवै खेलमा ट्रिबागोले तलावाजलाई पराजित गरेको थियो। ट्रिबागोसँग पहिलो खेलमा ७ विकेटले हार बेहोरेको तलावाज दोस्रो खेलमा १९ रनले पराजित भएको थियो।

तर पनि ७ अंक बनाएको तलावाज तीन खेल अगावै सेमीफाइनल पुगेको थियो।

तीन खेल अगावै सेमीफाइनलमा प्रवेश गरेको तलावाजले आइतबार राति सम्पन्न डबल राउन्ड रोबिनको अन्तिम खेलमा सेन्ट जोउक्स लुसियासँग पराजित भएको छ। जमैका लुसियासँग ११ रनले पराजित भएको हो।

टस जितेर ब्याटिङ रोजेको लुसियाले १४५ रन बनाएको थियो भने तलावाज पुरा ओभर खेलेर ३४ रनमै समेटिएको थियो। आइतबार रातिको खेलमा सन्दीप एक विकेट लिएका थिए ।