सुदूरपश्चिममा अहिलेसम्म ५१११ जना संक्रमणमुक्त

धनगढी- सुदूरपश्चिम प्रदेशमा कुल ५ हजार १११ जना कोरोना संक्रमित निको भएर घर फर्किएका छन्। यो संख्या पछिल्लो २४ घण्टामा ६९ छ।

प्रदेशको सामाजिक विकास मन्त्रालय, स्वास्थ्य महाशाखा प्रमुख नरेन्द्र कार्कीका अनुसार पछिल्लो २४ घण्टामा अछामबाट ३५, बझाङबाट २६, कैलालीबाट १० र डोटीबाट तीन जना डिस्चार्ज भएका हुन् ।

प्रदेश स्वास्थ्य निर्देशनालय राजपुर, डोटीका अनुसार अहिलेसम्म कैलालीका एक हजार ३४६, डोटीका ८६४, अछामका ८४८, कञ्चनपुरका ६३५, बाजुराका ४४२, बैतडीका ३२५, डडेल्धुराका २९९, बझाङका २८५ र दार्चुलाका ४१ जना कोरोना उपचारपछि संक्रमणमुक्त भएर घर फर्किएका छन् ।

त्यस्तै प्रदेशमा कुल ५ हजार ९७६ जना कोरोना संक्रमित पुष्टि भएकोमा हाल एक्टिभ केस ८५४ छ। संक्रमणका कारण मृत्यु हुनेको संख्या ११ पुगेको छ ।

एक्टिभ केस अर्थात हाल  कायम संक्रमित संख्या शुक्रबारसम्म कैलाली जिल्लामा ४३८, बझाङमा १०८, डोटीमा ८९, अछाममा ७४, बैतडीमा ५६, कंचनपुरमा ५२,  डडेल्धुरामा २०,  दार्चुलामा ९ र बाजुरामा ८ रहेको निर्देशनालायले जनाएको छ ।