काठमाडौं– नेपाली सेनाको उपरथीमा बढुवा भएका सहायक रथी विज्ञानदेव पाण्डेलाई दर्ज्यानी चिह्न प्रदान गरिएको छ।
जंगी अड्डामा शुक्रबार आयोजित एक कार्यक्रममा प्रधानसेनापति पूर्णचन्द्र थापाले पाण्डेलाई दर्ज्यानी चिह्न प्रदान गरेका हुन्।
२६ साउनमा बसेको मन्त्रिपरिषद्को बैठकले सहायक रथीबाट उपरथीमा पाण्डेको बढुवा गर्ने निर्णय गरेको थियो।
उपरथीमा बढुवा भएका बिज्ञान देव पाण्डेलाई उत्तर पश्चिम पृतना हेडक्वार्टरको पृतनापतिको जिम्मेवारी दिईएको छ। बढुवा हुनुअघि पाण्डे सैनिक जनसम्पर्क निर्देशनालयमा नेपाली सेनाको प्रवक्ताका रुपमा थिए।
दर्ज्यानी चिह्न प्रदान गर्ने कार्यक्रममा नेपाली सेनाका रथीबृन्द तथा अधिकृतहरुको उपस्थिति रहेको थियो।
प्रकाशित: Aug 14, 2020| 16:43 शुक्रबार, साउन ३०, २०७७
-1758541028.png)
