काठमाडौं– सिन्धुपाल्चोकको जुगल गाउँपालिका–२ लिदीमा शुक्रबार बिहान गएको पहिरोमा बेपत्ता भएका ५ जनाको शव भेटिएको छ।
जिल्ला प्रहरी कार्यालय सिन्धुपाल्चोकका प्रवक्ता डिएसपी माधवप्रसाद काफ्लेका अनुसार उनीहरुको सनाखत भने हुन सकेको छैन।
पहिरोमा परेर गम्भीर घाइते भएका पाँच जनाको हेलिकप्टरबाट उद्धार गरिएको छ। चार जनाको सदरमुकाम चौतारामा उपचार भइरहेको छ भने एक जना घाइतेलाई काठमाडौंको सिभिल अस्पताल ल्याइएको छ।
नेपाली सेनाको टोलीले गम्भीर घाइते भएका पाँच जनाको हेलिकप्टरबाट उद्धार गरेको हो। घटनास्थलमा नेपाली सेना, नेपाल प्रहरी, जनप्रतिनिधि र स्थानीय उद्धारमा खटिएका छन्।
प्रकाशित: Aug 14, 2020| 14:48 शुक्रबार, साउन ३०, २०७७
-1758541028.png)
