काठमाडौं- गण्डकी प्रदेशमा थप २१ जनामा कोरोना भाइरस (कोभिड-१९)को संक्रमण देखिएको छ। यससँगै गण्डकीमा कोरोना संक्रमितको संख्या एक हजार ६८१ पुगेको छ।
प्रदेश स्वास्थ्य निर्देशनालयले आज (शुक्रबार) जारी गरेको प्रेस विज्ञप्ति अनुसार थपिएका संक्रमितमध्ये तनहुँमा २० र स्याङ्जामा एक जना छन्।
कास्कीको पोखरास्थित क्षयरोग उपचार केन्द्रमा गरिएको परीक्षणमा उनीहरुलाई कोरोना संक्रमण पुष्टि भएको निर्देशनालयले जनाएको छ।
नयाँ संक्रमितलाई सम्बन्धित जिल्लाको आइसोलेसनमा लैजाने तयारी भइरहेको विज्ञप्तिमा उल्लेख छ।
प्रकाशित: Aug 14, 2020| 09:47 शुक्रबार, साउन ३०, २०७७
-1758541028.png)
