काठमाडौं टेकुकी महिलाको कोरोनाबाट मृत्यु

काठमाडौंको टेकु घर भएकी एक महिलाको कोरोनाबाट मृत्यु भएको छ ।

नेपाल समय | बुधबार, साउन २८, २०७७

नेपाल समय

बुधबार, साउन २८, २०७७

काठमाडौं टेकुकी महिलाको कोरोनाबाट मृत्यु

काठमाडौं- काठमाडौंको टेकु घर भएकी एक महिलाको कोरोनाबाट मृत्यु भएको छ ।

ललितपुरको ग्वार्कोस्थित किस्ट मेडिकल कलेजमा उपचारका क्रममा ७६ वर्षीया बृद्ध महिलाको मंगलबार राति मृत्यु भएको अस्पतालले जनाएको छ । उनको कोरोना परिक्षणको रिपोर्ट भने आज (बुधबार) बिहान मात्रै आएको हो ।

ज्वरो, पखाला र वान्ताको समस्या देखिएपछि उनी पाटन अस्पताल भर्ना भएकी थिइन् । उनलाई यही साउन २६ गते पाटनले किस्ट अस्पतालमा रिफर गरेको थियो । उनलाई आईसीयुमा राखेर उपचार गर्दागर्दै मृत्यु भएको हो ।

अन्य अस्पतालले भर्ना नलिएपछि भौंतारिदा भौंतारिँदै पाटन अस्पताल हुँदै किस्ट अस्पतालसम्म पुगेको अस्पतालले जनाएको छ ।

मंगलबार राती नै ललितपुरको पाटन अस्पतालमा जनकपुरकी ३८ वर्षीया एक महिलाको मृत्यु भएको छ । यो सँगै ललितपुरमा कोरोनाबाट ५ जनाको मृत्यु भएको छ भने देशभर ज्यान गुमाउनेको संख्या ८८ पुगेको छ ।

प्रकाशित: Aug 12, 2020| 10:20 बुधबार, साउन २८, २०७७