श्वासप्रश्वासमा समस्या देखिएकी महिलाको अस्पताल लैजाँदै गर्दा बाटोमै मृत्यु

श्वासप्रश्वासमा समस्या देखिएपछि डडेल्धुरा अस्पतालबाट धनगढी लैजाँदै गर्दा एक महिलाको बाटोमै मृत्यु भएको छ ।

नेपाल समय | आइतबार, साउन २५, २०७७

नेपाल समय

आइतबार, साउन २५, २०७७

डडेल्धुरा- श्वासप्रश्वासमा समस्या देखिएपछि डडेल्धुरा अस्पतालबाट धनगढी लैजाँदै गर्दा एक महिलाको बाटोमै मृत्यु भएको छ ।

डडेल्धुराको गन्यापधुरा गाउँपालिका– ३ की ३८ वर्षीया माधवी शाहीलाई थप उपचारका लागि धनगढी लैजाँदै गर्दा आज बिहान बाटोमै मृत्यु भएको हो ।

सास फेर्न गाह्रो भएपछि उनलाई डडेल्धुरा अस्पतालले थप उपचारका लागि धनगढी रिफर गरेको थियो ।

उनी केही दिन अगाडि मात्रै धनगढीबाट गन्यापधुरा– ३ मा रहेको घरमा आएको स्थानीयले बताएका छन् ।

उनको मृत्यु कोरोना भाइरसका कारण भएको हुनसक्ने आशंकामा आज (आइतबार) स्वाब संकलन गरिएको सेती अस्पतालले जनाएको छ। शाहीको शव अहिले सेती प्रादेशिक अस्पतालको शव गृहमा राखिएको छ।

प्रकाशित: Aug 09, 2020| 10:04 आइतबार, साउन २५, २०७७