२४ घण्टामा कोरोनाबाट कहाँ के भयो ? अमेरिकाभन्दा भारतमा धेरै संक्रमित

काठमाडौं- विश्वव्यापी महामारीको रुपमा फैलिएको कोरोना भाइरसबाट पछिल्लो २४ घण्टामा विश्वभर २ लाख ७१ हजार ३ सयभन्दा धेरै संक्रमित भएका छन् । ६ हजार २ सय २९ जनाको मृत्यु भएको छ ।

तिब्र रुपमा फैलिएको कोरोनाबाट पछिल्लो २४ घण्टामा सबैभन्दा बढि संक्रमित भारतमा थपिएका छन् । अमेरिका र ब्राजिललाई समेत उछिन्दै बिहीबार एकै दिनमा भारतमा ६२ हजार १ सय ७० जना संक्रमित थपिएका हुन् । भारतमा ८ सय ९९ जनाको मृत्यु भएको छ ।

अमेरिकामा भने ५८ हजार १ सय २ जना संक्रमित थपिदा १ हजार १ सय ७९ जनाको मृत्यु भएको छ। ब्राजिलमा ५४ हजार ८ सय १ जनामा संक्रमण देखिदा १ हजार २ सय २६ जनाको मृत्यु भएको छ।

यस्तै पछिल्लो २४ घण्टामा कोलम्बियामा ११ हजार ९ सय ९६ जनामा संक्रमण देखिएको छ भने ३ सय १५ जनाको मृत्यु भएको छ । दक्षिण अफ्रिकामा ८ हजार ३ सय ७ जनामा संक्रमण पुष्टि हुँदा ३ सय ६ जनाको मृत्यु भएको छ ।

त्यस्तै अर्जेन्टिनामा ७ हजार ५ सय १३, मेक्सिकोमा ६ हजार १ सय ३९, रुसमा ५ हजार २ सय ४७, फिलिपिन्समा ३ हजार ५ सय ६१, ७३, बंगलादेशमा २ हजार ९ सय ७७, पकिस्तानमा ७ सय २७ जनामा संक्रमित थपिएका छन् ।

नेपालमा भने पछिल्लो २४ घण्टामा ३ सय ६० जना संक्रमित थपिएका छन् भने ५ जनाको मृत्यु भएकोछ । अहिलेसम्म नेपालमा कोरोनाबाट २१ हजार ७ सय ५० जनामा संक्रमण पुष्टि हुँदा ६५ जनाको मृत्यु भएको छ ।

जोन हपकिन्स विश्वविद्यालयका अनुसार विश्वभर कोरोनाबाट अहिलेसम्म १ करोड ९० लाख ७ हजारभन्दा धेरै संक्रमित भएका छन् । ७ लाख १३ हजार ४ सय ६ जनाको मृत्यु भएको छ ।