भोलिदेखि फेरि सवारी साधनमा जोरबिजोर प्रणाली लागू

कोरोना भाइरस (कोभिड–१९) को जोखिम बढेसँगै सरकारले बिहीबार (भोलि) देखि पुनः निजी तथा सार्वजनिक सवारी साधनमा जोरबिजोर प्रणाली लागू गरेको छ।

नेपाल समय | बुधबार, साउन २१, २०७७

नेपाल समय

बुधबार, साउन २१, २०७७

काठमाडौं- कोरोना भाइरस (कोभिड–१९) को जोखिम बढेसँगै सरकारले बिहीबार (भोलि) देखि पुनः निजी तथा सार्वजनिक सवारी साधनमा जोरबिजोर प्रणाली लागू गरेको छ।

गृहमन्त्रालयका प्रवक्ता चक्रबहादुर बुढाले भोलिदेखि काठमाडौं उपत्यकाभित्रका तीनवटै जिल्ला र उपत्यकाबाहिरका २०० जनाभन्दा बढी संक्रमित रहेको जिल्लामा जोरबिजोर प्रणाली लागू गरिएको जानकारी दिए।

२६ असारदेखि सरकारले निजी सवारी साधनको जोरबिजोर प्रणाली हटाएको थियो। मंगलबार प्रधानमन्त्री केपी शर्मा ओलीले विज्ञहरुसँग गरेको छलफलमा पनि जोरबिजोर प्रणाली लागू गर्न सुझाव आएको थियो।