सुदूरपश्चिम : धनगढी प्रयोगशालामा भएको परीक्षणमा ३३ जनाको कोरोना रिपोर्ट पोजेटिभ

धनगढी– सुदूरपश्चिम प्रदेशमा थप ३३ जनामा कोरोना संक्रमण पुष्टि भएको छ ।

धनगढीस्थित सेती प्रादेशिक अस्पतालको प्रयोगशालामा पछिल्लो २४ घण्टामा भएको १७० जनाको परीक्षणमा सात महिला र २६ पुरुषमा कोरोना संक्रमण पुष्टि भएको हो ।

सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार पछिल्लो २४ घण्टामा भएको परीक्षणमा कैलालीका २१, अछामका ११ र कंचनपुरका एक जनामा कोरोना संक्रमण पुष्टि भएको हो ।

कैलालीको गोदावरी नगरपालिकाका दुई महिला, तीन बालिका र सात पुरुष तथा दुई बालक रहेका छन् । संक्रमण पुष्टि भएका बालिकामध्ये आठ महिने, तीन बर्षे र पाँच बर्षे तथा बालकमध्ये पाँच बर्षे र सात बर्षे छन् ।

यस्तै, कैलारी गाउँपालिका एक महिला र ६ पुरुष रहेका छन् । अछामको बान्निगढीका एक महिला र १० पुरुष छन् ।

यता, कञ्चनपुरको भिमदत्त नगरपालिका वडा नम्बर १५ का एक जना पुरुषमा कोरोना संक्रमण पुष्टि भएको श्रेष्ठले बताए ।