मेलम्ची पहिरोमा मृत्यु हुने आठैजना वीरगन्जका

सिन्धुपाल्चोकको मेलम्चीमा आइतबार राति पहिरोमा परी निधन भएका आठै जना वीरगन्जका रहेको प्रहरीले जनाएको छ।

नेपाल समय | सोमबार, साउन १९, २०७७

नेपाल समय

सोमबार, साउन १९, २०७७

मेलम्ची पहिरोमा मृत्यु हुने आठैजना वीरगन्जका

काठमाडौं– सिन्धुपाल्चोकको मेलम्चीमा आइतबार राति पहिरोमा परी निधन भएका आठै जना वीरगन्जका रहेको प्रहरीले जनाएको छ।

मेलम्ची बजारनजिकैको पहिरोले घर थिच्दा राति सुतिरहेका नौ जना पुरिएका थिए। एक जनाको भने घाइते अवस्थामा जीवितै उद्धार गरिएको छ। उद्धार गरिएकामा वीरगन्जका ४५ वर्षीय बारु शाह छन्।

मृत्यु हुनेमा ४२ वर्षीय राजेन्द्र चौरासिया, ३५ वर्षीय प्रदीप चौरसिया, २१ वर्षीय राजेश चौधरी, २५ वर्षीय विक्रम थिङ रहेका छन्।

यस्तै पहिरोमा पुरिएर २३ वर्षीय मानबहादुर रुम्बा, २० वर्षीय सिमन घलान, २१ वर्षीय शिवबालक धामी र १७ वर्षीय सोनम लामा रहेका छन्। उनीहरू मेलम्चीमा निर्माण भइरहेका कभर्ड हलका मजदुर हुन्।