रौतहटमा वडाध्यक्षको मृत्यु, कोरोना संक्रमणको आशंका

रौतहटको इशनाथ नगरपालिका–५ का वडाध्यक्ष देवेन्द्र ठाकुरको मृत्यु भएको छ ।

नेपाल समय | सोमबार, साउन १९, २०७७

नेपाल समय

सोमबार, साउन १९, २०७७

रौतहट- रौतहटको इशनाथ नगरपालिका–५ का वडाध्यक्ष देवेन्द्र ठाकुरको मृत्यु भएको छ ।

स्वासप्रश्वासमा समस्या देखिएपछि उपचारका लागि अस्पताल लैजाँदै गर्दा आज (सोमबार) बिहान बाटैमा उनको मृत्यु भएको हो ।

स्वासप्रश्वासमा समस्या देखिएकाले उनको मृत्यु कोरोनाको कारण भएको हुनसक्ने आशंका गरिएको छ । मृतक वडाध्यक्षको कोरोना परिक्षणका लागि स्वाव निकालिएको छ ।

ठाकुरमा कोरोना संक्रमणको लक्षण देखिएकाले उनको परिवारका सबै सदस्यको पनि पीसीआर परीक्षण गर्ने तयारी भइरहेको नगरपालिकाका स्वास्थ्य शाखा प्रमुख दीनबन्धु यादवले जानकारी दिए ।

मृतक वडाध्यक्ष केही दिनयता ज्वरो, रूघा र खोकी लागेर बिरामी परेका थिए। रक्तचाप र मधुमेह (प्रेसर र सुगर)को समस्या भोग्दै आएका थिए ।

प्रकाशित: Aug 03, 2020| 10:34 सोमबार, साउन १९, २०७७