कोरोनाबाट २४ घण्टामा कुन देशमा संक्रमित र मृत्यु कति ?

काठमाडौं- विश्वव्यापी महामारीको रुपमा फैलिएको कोरोना भाइरसबाट पछिल्लो २४ घण्टामा विश्वभर २ लाख ४४ हजार १ सयभन्दा धेरै संक्रमित थपिएका छन् भने ५ हजार ३ सय ५६ जनाको मृत्यु भएको छ ।

पछिल्लो एक महिनामा झनै तिब्र गतिमा फैलिएको कोरोनाबाट एकै दिनमा २ लाख ८९ हजारभन्दा धेरै संक्रमित थपिएको रेकर्ड छ ।

जुलाई २४, २९ र ३१ मा यतिको ठूलो संख्यामा संक्रमित थपिएका थिए । विश्वभरका सरकारहरुले लकडाउन खोल्दै गएसँगै संक्रमणदर ह्वात्तै भन्दै विश्व स्वास्थ्य संगठनले चिन्ता ब्यक्त गरेको छ ।

उसले विश्वका देशहरुलाई कोरोना झनै फैलिने र अझै विकृत रुप देखाउने भन्दै सचेत हुन अपिल गर्दै आएको छ ।

जोनहपकिन्स विश्वविद्यालयका अनुसार कोरोनाबाट अहिलेसम्म १ करोड ७७ लाख ५९ हजार ३ सयभन्दा धेरै संक्रमित भएका छन् भने ६ लाख ८२ हजार ८ सय ५५ जनाको मृत्यु भएको छ ।

संक्रमित र मृतक सबैभन्दा बढि अमेरिकामा छन् । जहाँ ४६ लाख १७ हजार ४ सयभन्दा धेरै संक्रमित भएका छन् भने १ लाख ५४ हजार ३ सय १९ जनाको मृत्यु भएको छ ।

ब्राजिलमा २७ लाख ७ हजार ८ सयभन्दा धेरै संक्रमित हुँदा ९३ हजार ५ सय ६३ जनाको मृत्यु भएको छ । भारतमा अहिलेसम्म १६ लाख ९५ हजार ९ सयभन्दा धेरै संक्रमित भएका छन् भने ३६ हजार ५ सय ११ जनाको मृत्यु भएको छ।

पछिल्लो २४ घण्टामा कहाँ कति संक्रमित कतिको मृत्यु ?