बागमतीमा एकै दिन ५४ जना कोराना संक्रमित (कुन जिल्लामा कति?)

काठमाडौं– बागमती प्रदेशमा पछिल्लो २४ घण्टामा थप ५४ जनामा कोरोना भाइरस संक्रमण भएको छ। 

प्रदेशको सामाजिक विकास मन्त्रालयका अनुसार काठमाडौंमा ४१, धादिङमा चार, भक्तपुरमा दुई, ललितपुरमा दुई, नुवाकोटमा दुई, चितवनमा एक, दोलखामा एक र मकवानपुरमा एक जनामा कोरोना संक्रमण भएको हो।

योसहित प्रदेशमा कोरोना संक्रमितको संख्या एक हजार ६६ पुगेको छ भने ५२४ जना कोरोनामुक्त भएका छन्।  ५३२ जना संक्रमितको उपचार भइरहेको मन्त्रालयले जनाएको छ।

प्रदेशमा कोरोना भाइरसबाट १० जनाको मृत्यु भएको छ।

मन्त्रालयका अनुसार प्रदेशका विभिन्न क्वारेन्टिनमा एक हजार ६५ जना बसिरहेका छन् भने होम क्वारेन्टिनमा बस्नेको संख्या एक हजार ६०९ छ। यस्तै २९४ जना आइसोलेसनमा छन्।

यस्तो छ जिल्लागत रूपमा संक्रमितको विवरण

काठमाडौं – ३९२
ललितपुर – ९१
भक्तपुर – ५५
रसुवा – ११
नुवाकोट – ४०
धादिङ – १४१
चितवन – १२३
सिन्धुली – २४
मकवानुपर – ४७
रामेछाप – ३६
दोलखा – ११
काभ्रे – २२
सिन्धुपाल्चोक – ७३