गण्डकीमा १,४७९ संक्रमितमध्ये १,२३० जना कोरोनामुक्त

गण्डकी प्रदेशमा कोरोना संक्रमितको संख्या १,४७९ पुगेको छ।

नेपाल समय | बिहीबार, साउन १५, २०७७

नेपाल समय

बिहीबार, साउन १५, २०७७

गण्डकीमा १,४७९ संक्रमितमध्ये १,२३० जना कोरोनामुक्त

काठमाडौं– गण्डकी प्रदेशमा कोरोना संक्रमितको संख्या १,४७९ पुगेको छ। पछिल्लो २४ घण्टामा थप ३८ जनामा कोरोना संक्रमण पुष्टि भएसँगै संक्रमितको संख्या १,४७९ पुगेको हो।

पछिल्लोपटक संक्रमित हुनेमा स्याङ्जाका ११ जना, बाग्लुङका ६ जना, तनहुँका तीन जना, नवलपरासी पूर्वका १ जना, लमजुङका तीन जना र कास्कीका १४ जना रहेको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता विनोदविन्दु शर्माले बताए।

उनीहरूको पोखरास्थित क्षयरोग उपचार केन्द्र र पोखरा स्वास्थ्य विज्ञान प्रतिष्ठानमा पीसीआर परीक्षण गरिएको थियो।

गण्डकीमा कोरोना संक्रमणबाट निको हुनेको संख्या एक हजार २३० पुगेको छ।

प्रकाशित: Jul 30, 2020| 13:03 बिहीबार, साउन १५, २०७७