सुनसरीका सय किसानलाई ७५ लाखको कृषि सामग्री

सुनसरीका सय किसानलाई ७५ लाख रुपैयाँ बराबरको कृषि सामग्री सोमबार वितरण गरिएको छ।

नेपाल समय | मंगलबार, साउन १३, २०७७

नेपाल समय

मंगलबार, साउन १३, २०७७

सुनसरीका सय किसानलाई ७५ लाखको कृषि सामग्री

विराटनगर– सुनसरीका सय किसानलाई ७५ लाख रुपैयाँ बराबरको कृषि सामग्री सोमबार वितरण गरिएको छ।

प्रदेश १ का उद्योग, पर्यटन, वन तथा वातावरणमन्त्री जगदीशप्रसाद कुसियतले कोशी गाउँपालिका–७, हरिपुरका किसानलाई कृषि सामग्री हस्तान्तरण गरे।

वितरण गरिएको मेसिनरी सामानमा ७५ प्रतिशत अनुदान र ट्याक्टरमा ५० प्रतिशत छुट छ। किसानलाई त्रिपाल, कोदालो र स्प्रे मेसिन सय/सय थान, बोरिङ २५ थान, पम्प सेट १५ थानसँगै कीटनासक औषधि र जैविक मल पनि वितरण गरिएको छ।

मन्त्री कुसियतको पहलमा मकै ब्लक सञ्चालक समितिलाई सो सामग्री हस्तान्तरण गरिएको हो। कृषि ज्ञान केन्द्र, सुनसरीले प्रधानमन्त्री कृषि आधुनिकीकरण ब्लक परियोजनाको सहयोगमा हरिपुरमा मकै ब्लक कार्यक्रम सञ्चालन गरेको छ। उक्त कार्यक्रममा सय किसान आवद्ध छन्।

प्रकाशित: Jul 28, 2020| 05:24 मंगलबार, साउन १३, २०७७