कोरोनाका सक्रिय संक्रमित ३० प्रतिशत, कुन प्रदेशमा कति?

काठमाडौं– शुक्रबारसम्म १२ हजार ९४७ जना कोरोनामुक्त भएका छन्। स्वास्थ्य तथा जनसंख्या मन्त्रालयका अनुसार यो कुल संक्रमितको ७०.४ प्रतिशत हो।

सक्रिय संक्रमितको संख्या पाँच हजार ३८३ रहेको छ। यो कुल संक्रमितको २९.६ प्रतिशत हो।

प्रदेश १ मा १४६ जना, प्रदेश २ मा एक हजार ९०१ र बागमती प्रदेशमा ४३९ जना सक्रिय संक्रमित छन्। यस्तै गण्डकीमा ३३१ जना, प्रदेश ५ मा ३५४ जना, कर्णालीमा ३१५ जना र सुदूरपश्चिममा एक हजार ८९७ जना सक्रिय संक्रमित छन्।

शुक्रबारसम्म प्रदेश १ बाट ७७२ जना, प्रदेश २ जना दुई हजार ८८०, बागमतीबाट ४५८ जना संक्रमणमुक्त भएका छन्।

संक्रमणमुक्त हुनेमा गण्डकी प्रदेशका एक हजार १०२ जना, प्रदेश ५ का तीन हजार ८७० जना, कर्णाली प्रदेशका एक हजार ५८३ जना र सुदूरपश्चिम प्रदेशबाट दुई हजार २८२ जना छन्। नेपालमा शुक्रबारसम्म १८ हजार ३७४ जना कोरोना भाइरस संक्रमित भएका छन्।

रौतहट, बाजुरा र केैलालीमा पाँच सयभन्दा बढी संक्रमित छन् भने पाँचथर, भोजपुर, संखुवासभा, रसुवा, मुस्ताङ र मनाङ संक्रमणमुक्त भएका छन्। कोरोना भाइरस संक्रमणबाट ४४ जनाको मृत्यु भएको छ।