भारतमा एकै दिनमा थपिए ४८ हजार कोरोना संक्रमित

तिब्र गतिमा फैलिएको कोरोना भाइरसबाट भारतमा एकै दिनमा बिहीबार ४८ हजार ४ सयभन्दा धेरै संक्रमित भएका छन् ।

नेपाल समय | शुक्रबार, साउन ९, २०७७

नेपाल समय

शुक्रबार, साउन ९, २०७७

भारतमा एकै दिनमा थपिए ४८ हजार कोरोना संक्रमित

काठमाडौं- तिब्र गतिमा फैलिएको कोरोना भाइरसबाट भारतमा एकै दिनमा बिहीबार ४८ हजार ४ सयभन्दा धेरै संक्रमित भएका छन् ।

एकै दिनमा यति धेरै संक्रमित थपिएको यो पहिलो पटक हो । यसअघि बुधबार एकै दिनमा ४५ हजार ५ सय ९९ जनामा संक्रमण पुष्टि भएको थियो ।

भारतमा लकडाउन खुलेसँगै कोरोना संक्रमणदर झनै तिब्र गतिमा फैलिएको छ । दिनहुँ थपिने संक्रमितको संख्याले नयाँ रेकर्ड बनाउने गरेको छ ।

भारतमा अहिलेसम्म १२ लाख ५७ हजार ३ सय कोरोनाबाट संक्रमित भएका छन् । तीमध्ये ४ लाख ४० हजार १ सयभन्दा धेरै संक्रिय संक्रमित छन् भने ८ लाख १७ हजार २ सयभन्दा धेरै निको भएर घर फर्किएका छन् ।

अहिलेसम्म भारतमा कोरोनबाट ३० हजार ६ सय १ जनाको मृत्यु भएको छ । पछिल्लो २४ घण्टामा मात्रै ७ सय ५५ जनाको मृत्यु भएको छ ।

प्रकाशित: Jul 24, 2020| 12:21 शुक्रबार, साउन ९, २०७७