डुबेर चारजनाको मृत्यु

काठमाडौं– झापा र काभ्रेमा भएका भिन्नाभिन्नै घटनामा डुबेर तीन बालकसहित चारजनाको मृत्यु भएको छ।

प्रहरी प्रधान कार्यालयका अनुसार झापाको भद्रपुर नगरपालिका–२ स्थित नयाँ सिमसार क्षेत्रमा डुबेर ३ जना बालकको मृत्यु भएको छ।

मृत्यु हुनेमा १० वर्षीय अंकुश तामाङ, १५ वर्षीय करण थामी र १२ वर्षीय अर्जुन थामी छन्।

घरबाट खेल्न निस्किएका उनीहरू नफर्केपछि खोजी गर्दा अंकुश तामाङ नयाँ सिमसार क्षेत्रमा डुबिरहेको अवस्थामा फेला परेका थिए।

बेपत्ता अन्य २ बालकको सिमसार क्षेत्रको पानीमा शव भेटिएको प्रहरीले जनाएको छ।

त्यस्तै काभ्रेको पनौती नगरपालिका–७ स्थित त्रिवेणीघाटमा डुबेर पनौती नगरपालिका–१२ भूमिडाँडा का ७० वर्षीय सोमप्रसाद हुमागाईंको मृत्यु भएको छ।

उनलाई त्रिवेणीघाटमा डुबेको अवस्थामा प्रहरी चौकी पनौतीबाट खटिएको प्रहरीले स्थानीयको सहयोगमा उद्धार गरी उपचारका लागि सिर मेमोरियल अस्पताल बनेपा पु¥याएको थियो। हुमागाईंको उपचारका क्रममा मृत्यु भएको हो।