बिहीबार, माघ २६, २०७९

‘हामी भोकै मर्दैछौं, सरकार सर्पलाई ७२ करोड खुवाउँदैछ’

नेपाल समय  |  काठमाडौं, आइतबार, भदौ २१, २०७७

नेपाल समय

नेपाल समय

आइतबार, भदौ २१, २०७७, काठमाडौं

नेपाल समय

काठमाडौं-  समय दिउँसोकोे तीन बजे। रत्नपार्कको पुरानो बसपार्क नजिक कोही पेटीमा सुतेका छन् भने कोही यताउती हिडिरहेका छन्। कोही समूहमा बसेर साउतीको स्वरमा बोल्दै छन्।

त्यही भीडमा जनकपुरका मुकेश झा पनि छन्। झट्ट हेर्दा ४५ कटेका जस्ता देखिने उनी भर्खर ३२ वर्ष पुगे। आफ्ने उमेर पुष्टि गर्न उनले खल्तीमा राखेको नागरिकता निकालेर देखाए।

भन्छन्, ‘५ महिना हुन लाग्यो राम्रोसँग खान पाएको छैन, कैयौँ दिन भोकै बस्दा शरीर सुकेर यस्तो भयो।’

जारी निषेधाज्ञाको बेला निःशुल्क पाइने खाना खोज्दै उनी यता आएका हुन्।

‘विहान गुहेश्वरी पुगेर एक प्याकेट खाना खाएको थिएँ, यता साढे ५ बजेतिर मात्र पाइन्छ, हिंड्दाहिंडदै फेरि भोक लागिसक्यो।’ उनले भने।

चार वर्षअघि राजधानी छिरेका मुकेश घर निर्माण गर्ने मिस्त्री हुन्। लकडाउन सुरु भए देखि बेकामे छन्।

दैनिक काम गरेर गुजारा चलाइरहेका मुकेशलाई घरभाडा तिर्न नसकेपछि घरबेटीले बबरमहलको कोठाबाट निकालिदिए।

‘दुई महिनाको भाडा बाँकी थियो, घरबेटीले सामानसमेत नदिएर कोठामा ताला लगाइदियो’ उनले सुनाए, ‘भाडा तिरेर आफ्नो सामान लैजा भनेका छन्, तर म गएको छैन।’

यतिबेला उनको रात राजधानीका सडक पेटीमा बित्छ भने दिन खाना खोज्दैमा।

‘जिन्दगी छाडा कुकुर जस्तै भयो,’ मुकेशले भने, ‘सरकारले घर जाने व्यवस्था गरिदिए हुन्थ्यो, त्यो नसक्ने भए खाने बस्ने व्यवस्था गर्नुपर्थ्यो, तर हामी जस्ता मजदुरको कुरा कसले सुन्ने ?’

मुकेशसँग कुरा गरिरहँदा पिठ्युँमा झोला बोकेका धनकुटाका जेनिश राई टुपुल्किए।

‘सर मैले पनि आफ्नो दुखका कुरा भन्न पाउँछु की?’ जेनिशले सोधे।

‘लकडाउनको दुई महिनासम्म लेलेडाँडामा छानो निर्माणको काम गर्दासम्म ठिकै थियो। त्यसपछि अर्र्को काम पाइएन,’ जेनिश भन्छन्, ‘अहिले खानेबस्ने ठेगान छैन। यस्तै हो भने बाँच्ने पनि ठेगान छैन।’

‘कि काम दिनु पर्‍यो कि खाने बस्ने व्यवस्था गर्नुपर्‍यो, हैन भने त हामी तोडफोडमा उत्रिन्छौं,’ भोको पेटमा जेनिशको आक्रोश पोखियो।

उनले बारम्बार दोहोर्‍याए, ‘सर हाम्रो पीडा जसरी पनि सरकारलाई सुनाइदिनुहोला।’

विहान तिलगंगा वा गुहेश्वरी पुगेर निशुल्क पाइने एक प्याकेट खानाले चित्त बुझाउने र साँझको छाक रत्नपार्क गएर टार्ने धेरैको दैनिकी बनेको छ।

‘खल्तीमा सुको छैन, छ भने एकडेढ सय दिनुस, धर्म लाग्छ,’ नेपाल समयसँग जेनिशले भने।

साँझ तीन बजेपछि रत्नपार्क, खुलामञ्चमा एक छाक खानाका लागि लाम लागेका भोकाहरुको अवस्था कहाली लाग्दो देखिन्छ।
सुरुको लकडाउन अवधिमा रत्नपार्कमा खाना खोजेर हिड्नेहरुको संख्या अहिले निषेध आदेशका बेला झनै बढेको छ।

लकडाउनको अवधिमा धेरै श्रमिकहरु आ–आफ्नो गाउँ–घर फर्किए। तर, गाउँमा पनि काम केही पाइएन, खेतिपाती गर्न जमिन थिएन। गाउँमै खान लाउन धौ धौ भएपछि लकडाउन खुकुलो भएका उनीहरु फेरि काठमाडौं नै फर्किए। तर, फेरि जारी भएको निषेध आदेशले उनीहरु अहिले खाना खोज्न भौंंतारिनु परेको छ।

केही सामाजिक संस्था र व्यक्तिले निःशुल्क बाँड्ने खानाले राजधानीमा हजारौँ मजदुरको ज्यान बचेको छ।

रत्नपार्कमा रहेका यी अलपत्र मजदुर सरकारविरुद्ध आक्रोश पोख्छन्। तर, यीनको आक्रोश होस् वा याचना सरकारसम्म पुग्दैन, पुगे पनि सुनिंंदैन।

लकडाउन र निषेधाज्ञा थपेरै कोरोना महामारी नियन्त्रण हुन्छ भन्ने ठानेको सरकारले नागरिकको जीवन बचाउन÷थोरै सहज बनाउन अरु केही गरिरहेको छैन।

‘सरकारले एउटा नेतालाई सर्प पाल्न ७२ करोड दियो रे,’ डकर्मी पेशा गर्ने धनुषाका ४७ वर्षीय रत्नबहादुर तामाङले भने, ‘हामी यता भोकै मर्ने अवस्थामा छौं, सरकार उता सर्पलाई ७२ करोड खुवाउँदैछ।’

लकडाउनपछि बेरोजगार भएका रत्नबहादुर जता निःशुल्क खाना पाईन्छ भन्ने सुन्छन्, उतै दगुर्छन्। राति त्यही छेउँछाउको सडकपेटीमा विताउँछन्।

‘हातमा सिप छ तर, काम छैन। मागेर खान लाज लागे पनि पेटले लाज मान्दो रहेनछ,’ उनले भने।

‘यतिबेला चुनाव आउँदो हो त नेताहरु मतदाता खोज्दै आफ्नै खर्चमा गाउँ सम्म लग्थे होला, दैनिक भोज लाग्थ्यो। अहिले हामी भोकै मर्न लाग्दा पनि कसैले वास्ता गर्दैनन्’ सोलुखुम्बुका लाक्पा सेर्पा भन्छन्।

सरकारले कोरोना रोकथाम, नियन्त्रण तथा राहतका नाममा १२ अर्ब बढी रकम खर्च गरेको विवरण सार्वजनिक गरे पनि उक्त राहतले यी रत्नपार्कमा भौंंतारिने मजदूरहरुलाई समेट्न सकेको छैन।

त्यसमाथि निरन्तर थपिदै गएको लकडाउनले दैनिक ज्याला मजदुरी खाने वर्ग भोकभोकै परेको छ।

 

 


प्रकाशित: September 6, 2020 | 17:42:00 काठमाडौं, आइतबार, भदौ २१, २०७७

तपाईं को प्रतिक्रिया

ट्रेंडिंग

रविसँग नाम जोडेर बोलेपछि डिल्लीरामविरुद्ध साइबर ब्युरो पुगिन् करिश्मा

एक युट्युब च्यानलमा खनालले आफ्नोविरुद्ध जथाभावी बोलेपछि करिश्माले प्रहरी गुहारेकी हुन्।

प्रिमियर लिगको इतिहासमै सबैभन्दा ठूलो आर्थिक स्क्यान्डल

चार वर्ष लगाएर गरिएको एक अनुसन्धानपछि प्रिमियर लिगले गएको सोमबार एक सूचना जारी गरेको थियो। उसले सिटीलाई सन् २०९ देखि पछाडि १०० भन्दा धेरै आर्थिक नियम तोडेको भन्दै कारबाही गर्न माग गरेको थियो।

प्रधानमन्त्री प्रचण्डलाई गठबन्धन थेग्नै हम्मेहम्मे

केन्द्र सरकारमा तिक्तता सुरु हुँदा प्रदेश सरकारमा पनि तनाव सिर्जना भएको छ। आज सुदूरपश्चिमका मुख्यमन्त्री राजेन्द्रसिंह रावलले विश्वासको मत लिने तयारी गरिरहँदा सत्ता घटक नागरिक उन्मुक्ति पार्टी उनको विपक्षमा देखिएको छ।

बुहारीमाथि करणी गर्ने ससुरा कारागार चलान

बुहारीमाथि जबरजस्ती करणीको आरोपमा पक्राउ परेका ससुरालाई कारागार चलान गरिएको छ।

नारायणी किनारमा मगर गोही

बगरमा घाम ताप्दै गरेका मगर गोही

अनाथालय प्रमुख नै बलात्कारी !

बालिका बलात्कारको आरोपमा चन्द गत माघ १७ गते अनाथालयबाटै पक्राउ परेका हुन्।

स्पोर्टस अवार्डः यी हुन् पिपल्स च्वाइस विधाको मनोनयनमा परेका पाँच खेलाडी

मञ्चले सोमबार काठमाडौंमा पत्रकार सम्मेलनमार्फत् आगामी फागुन २३ गते हुने अवार्डको पिपल्स च्वाइस विधाको मनोनयनमा परेका पाँच खेलाडीको सूची सार्वजनिक गरेको हो।

सरकारबाट बाहिरिएका रास्वपाका मन्त्रीले किन गरेनन् पत्रकार सम्मेलन?

राष्ट्रिय स्वतन्त्र पार्टी (रास्वपा) आइतबार नै सरकारबाट बाहिरिसकेको छ।

रास्वपाका निवर्तमान मन्त्रीहरूले गर्ने भनेको पत्रकार सम्मेलन स्थगित

राष्ट्रिय स्वतन्त्र पार्टीका निवर्तमान तीन मन्त्रीले गर्न लागिएको पत्रकार सम्मेलन स्थगित गरिएको छ।

संसद् भवन अगाडि भिख माग्दै बालिका

अकासेपुलमा भिख माग्नका लागि राखिएकी एक अबोध बालिका

थप समाचार

नेपाल समय
समाज

मध्यपहाडी लोकमार्ग : १२ वर्षदेखि मन्ता भिर काट्दै

जाजरकोट खण्डभित्र पर्ने मन्ता भिर काट्न ढिला हुँदा मध्यपहाडी लोकमार्गअन्तर्गतको जाजरकोट खण्ड अधुरै छ।
नेपाल समय
समाज

बझाङमा ट्रयाक्टर दुर्घटना

बझाङमा ट्रयाक्टर दुर्घटना हुँदा चालक घाइते भएका छन्।
नेपाल समय
समाज

विमानस्थल पुगेर पर्यटन मन्त्रीले गरे अनुगमन

संस्कृति, पर्यटन तथा नागरिक उड्डयनमन्त्री सुदन किरातीले एकाबिहानै त्रिभुवन अन्तर्राष्ट्रिय विमानस्थलको अनुगमनमा पुगेका छन्।
नेपाल समय
समाज

जीर्ण बन्यो बागलुङ-बेनी सडक

बागलुङबाट रत्नेचौर हुँदै बेनी पुग्ने सडक जीर्ण अवस्थामा छ। उक्त सडकमा जताततै खाल्डाखुल्डी छन्। सडकमा नालीसमेत बनेको अवस्था छैन। कालोपत्र उप्किएको छ। कतै सडक धुलाम्मे छ।
नेपाल समय
समाज

मौसम धुम्म छ, पानी पर्ने सम्भावना छैन

केही दिनदेखि काठमाडौं उपत्यकासहित धेरै ठाउँको मौसम धुम्मिएको छ। मौसम धुम्मिए पनि तत्काललाई पानी पर्ने सम्भावना भने नरहेको मौसमविद् गंगा नगरकोटीले बताए।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9801008229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना