मच्छिन्द्रनाथको रथयात्रा १० गतेदेखि

वर्षा र सहकालका देवता रातो मच्छिन्द्रनाथको रथयात्रा १० गतेदेखि सुरु हुने भएको छ।

नेपाल समय | बुधबार, साउन ७, २०७७

नेपाल समय

बुधबार, साउन ७, २०७७

काठमाडौं- वर्षा र सहकालका देवता रातो मच्छिन्द्रनाथको रथयात्रा १० गतेदेखि सुरु हुने भएको छ। मच्छिन्द्रनाथलाई सोही दिन रथारोहण गरी जात्रा सुरु गरिने गठी संस्थान ललितपुरले जनाएको छ।

रथ निर्माण भइसके पनि साइत नजुर्दा जात्रा सुरु हुन सकेको थिएन। यस्तै सरकारले कोरोना भाइरस संक्रमण जोखिमका कारण जात्रामा रोक लगाएको थियो।

बाराही गुठीका नाइके दिलकुमार बाराहीले रथारोहणका लागि गुठी संस्थानबाट पत्र आएकाले भोलिदेखि रथमा बाँकी रहेका काम थालिने जानकारी दिए।

उनका अनुसार रथमा सुन लगाएका ढोका, ध्वजाहरू र रथ तान्ने काठ जडान गर्न बाँकी छ। जात्रा सुरु भएपछि अन्य प्रक्रिया विगतमा जस्तै हुने गुठी संस्थानले जनाएको छ।

प्रकाशित: Jul 22, 2020| 13:33 बुधबार, साउन ७, २०७७