प्रदेश १ मा थप १२ जनामा कोरोना संक्रमण पुष्टि

विराटनगर- प्रदेश १ मा आज (सोमबार) १२ जना कोरोना संक्रमित थपिएका छन्। सुनसरीमा ६, सोलुखुम्बुमा ४, झापा र इलाममा १–१ जनामा संक्रमण देखिएको सामाजिक विकास मन्त्रालयले जनाएको छ।

सुनसरीको रामधुनीमा २ महिला, इटहरीमा २ पुरुष र धरानमा १ महिला १ पुरुष, सोलुखुम्बुमा ४ पुरुष, झापाको कचनकवल र इलामको माईमा १–१ पुरुषमा कोरोना संक्रमण पुष्टि भएको सामाजिक विकास मन्त्रालयले जनाएको छ। प्रदेश १ मा कोरोना संक्रमितको संख्या ८०५ पुगेको छ।

प्रदेश १ मा सोमबार ८ जना डिस्चार्ज भएका छन्। कोभिड १९ आइसोलेसन केन्द्र चौदण्डीगढी (उदयपुर) बाट ७ पुरुष र १ महिला डिस्चार्ज भएका छन्। प्रदेश १ बाट डिस्चार्ज हुनेको संख्या ७ सय १० पुगेको छ।

प्रदेश १ मा सोमबार ९ सय २८ जनाको कोरोना परीक्षण गरिएको छ। १ सय ८५ महिला र ७ सय ४३ पुरुषको कोरोना परीक्षण गरिएको छ। प्रदेश १ मा आजसम्म ३६ हजार ३ सय ९१ जनाको परीक्षण गरिएको सामाजिक विकास मन्त्रालयले जनाएको छ।