आन्तरिक राजस्वमा कोभिड–१९ को प्रभाव परेन, ३ खर्ब ८४ अर्ब संकलन

गत आर्थिक वर्षमा आन्तरिक राजस्व अघिल्लो आर्थिक वर्षको तुलनामा ७ प्रतिशत अर्थात् २६ अर्ब रुपैयाँले बढेर ३ खर्ब ८४ अर्ब ३१ करोड रुपैयाँ संकलन भएको छ।

नेपाल समय | सोमबार, साउन ५, २०७७

नेपाल समय

सोमबार, साउन ५, २०७७

आन्तरिक राजस्वमा कोभिड–१९ को प्रभाव परेन, ३ खर्ब ८४ अर्ब संकलन

कोभिड–१९ का कारण करिव ४ महिनासम्मको लकडाउनले आर्थिक क्षेत्र समस्यामा परे पनि आन्तरिक राजस्व भने गत वर्षको भन्दा वृद्धि भएको विभागले जनाएको छ ।

गत आर्थिक वर्षमा आयकर २ खर्ब १७ अर्ब २६ करोड, मूल्य अभिवृद्धि कर ९८ अर्ब २२ करोड, अन्तःशुल्क ६४ अर्ब ७९ करोड र अन्य ४ अर्ब ४ करोड गरी कुल ३ खर्ब ८४ अर्व ३१ करोड राजस्व संकलन भएको छ।

विभागका अनुसार अघिल्लो आर्थिक वर्षमा ३ खर्ब ५८ अर्ब ४१ करोड रुपैयाँ आन्तरिक राजस्व संकलन भएको थियो।

विभागका अनुसार गत वर्ष एक लाख ९४ हजार व्यावसायिक स्थायी लेखा नम्बर र ९५३ हजार व्यक्तिगत स्थायी लेखा नम्बर गरी ११ लाख ४७ हजार नयाँ करदाता थपिएका छन् ।

प्रकाशित: Jul 20, 2020| 15:46 सोमबार, साउन ५, २०७७