विराटनगर– लायन्स क्लब डिस्ट्रिक ३२५ ए वानले प्रदेश १ सरकारलाई २ हजार ६ सय भीटीएम किट हस्तान्तरण गरेको छ।
शंकास्पद व्यक्तिको कोरोना परीक्षणका लागि आवश्यक पर्ने भाइरस ट्रान्सपोर्ट मेडियम (भीटीएम) सामाजिक विकासमन्त्री जीवन घिमिरेलाई लायन्स क्लब डिस्ट्रिक ३२५ ए वानका निवर्तमान गर्भनर राजन खत्री, पूर्वगर्भनरहरु भीम घिमिरे, लीला ढुंगेल, लायन्स क्लब डिस्ट्रिक ३२५ ए वानका फस्ट भाइस डिस्ट्रिक गभर्नर रेवत कार्की लगायतले भीटीएम किट हस्तान्तरण गरेका हुन्।
लायन्स क्लबले कोसी अस्पताल विराटनगरलाई १ हजार ४ सय र बीपी कोइराला स्वास्थ्य विज्ञान प्रतिष्ठान धरानलाई १ हजार ४ सय भीटीएम किट हस्तान्तर गर्ने जनाएको छ।
प्रदेश १ मा १० हजार डलर बराबरको किट हस्तान्तरण हुने लायन्स क्लव डिस्ट्रिक ३२५ ए वानका निवर्तमान गर्भनर खत्रीले बताए।
प्रकाशित: Jul 15, 2020| 13:58 बुधबार, असार ३१, २०७७
