धनगढी- सुदूरपश्चिममा थप सात जनालाई कोरोना भाइरस (कोभिड-१९)को संक्रमण पुष्टि भएको छ।
धनगढीस्थित सेती प्रादेशिक अस्पतालले आज (सोमबार) जारी गरेको विज्ञप्ति अनुसार कैलालीमा चार, कञ्चनपुरमा दुई र अछाममा एक जनालाई कोरोना परीक्षण रिपोर्ट पोजेटिभ देखिएको हो।
अस्पतालका अनुसार पछिल्लो २४ घन्टामा २८० नमुना परीक्षण गरिँदा उनीहरुमा कोरोना संक्रमण देखिएको हो।
यससँगै धनगढीस्थित प्रयोगशालामा कोरोना पुष्टि भएकाको संख्या एक हजार ५८ पुगेको विज्ञप्तिमा उल्लेख छ। तीमध्ये ९७९ अन्यत्र स्थानको नमुना रहेको अस्पतालले जनाएको छ।
प्रकाशित: Jul 14, 2020| 15:40 मंगलबार, असार ३०, २०७७
