चीनमा बाढी, ३ करोड ८० लाख प्रभावित

चीनमा आएको भिषण बाढीका कारण व्यापक जनधनको क्षति भएको छ। १४१ जनाको मृत्यु भएको छ या हराएका छन्। तीमध्ये केही मारिएका र केही बेपत्ता भएका हुनसक्ने बताइएको छ।

बाढीका कारण ३ करोड ८० लाख प्रभावित भएका छन्। चीनका विभिन्न ठाउँमा हालैको अविरल वर्षापछि बाढी आएको हो। चीनका २७ स्थानमा बाढीले जनजीवन प्रभावित पारेको बताइएको छ। यहाँ पछिल्ला केही दिनमा आएको यस बाढीबाट २२ लाख भन्दा बढी नागरिकलाई उद्धार गरिएको छ।
चीनको याङ्चेसहितका कैयौँ नदीमा पानीको सतह बढेपछि बाढी आएको छ। बाढीका कारण यहाँका ठूलो संख्याका नागरिक गएको कम्तीमा एक हप्तादेखि नराम्ररी प्रभावित भएका छन्।
बाढीका यहाँका २८ हजार भन्दा बढी घर बगाएको या क्षति पुर्याएको छ । यसबाट यहाँको ११ अर्ब अमेरिकी डलर बराबरको क्षति पुगेको बताइएको छ। बाढीको त्रास बढ्दै गएपछि चिनियाँ राष्ट्रपति सि चिनफिङले सबै नागरिकलाई आवश्यक मात्रामा सतर्कता अपनाउन आग्रह गरेका छन्।
रासस