राष्ट्रिय जनता पार्टी र समाजवादी पार्टी नेपाल एकीकृत भई गठन भएको जनता समाजवादी पार्टीले आइतबार निर्वाचन आयोगबाट प्रमाणपत्र पाएको छ।
निर्वाचन आयोगले आज राजनीतिक दल एकीकरण भएको प्रमाणपत्र दिएको हो।
आयोगले दिएको प्रमाणपत्रमा ‘राजनीतिक दलसम्बन्धी ऐन, २०७३ को दफा १० बमोजिम राजनीतिक दल एक–आपसमा एकीकरण भई जनता समाजवादी पार्टी, नेपाल नामक राजनीतिक दल कायम रहने गरी आयोगबाट निर्णय भएको’ उल्लेख छ ।
राजपा नेपाल र समाजवादी पार्टीबीच एकीकरण भई नयाँ नाम राखेर निर्वाचन आयोगमा दर्ताका लागि निवेदन परेको थियो।
