संखुवासभाको सिलिचोङ गाउँपालिका १ मा पहिरोले सात घर बगाउँदा ११ जना बेपत्ता भएका छन् ।
सिसुवाखोलास्थित बेसिन्दा गाउँमा शनिबार मध्यराति पहिरोले घर बगाउँदा सुतिराखेका ११ जना बेपत्ता भएका हुन् ।
अहिले पनि पानी परिराखेका कारण बेपत्ताहरुको खोजी गर्न नसकिएको सिलिचोङ गाँउपालिकाका अध्यक्ष रामबहादुर कुलुङले जानकारी दिए।
उनका अनुसार अहिलेसम्म घटनास्थलमा प्रहरीको टोली पुगेको छैन् । जिल्ला प्रहरी कार्यालय संखुवासभाका अनुसार घटनास्थलतर्फ प्रहरी टोली बिहानै हिडेपनि अझै पुग्न सकेको छैन् । घटनाको विस्तृत विवरण आउन बाँकी छ।
प्रकाशित: Jul 12, 2020| 08:49 आइतबार, असार २८, २०७७
