धनगढी– सुदूरपश्चिम प्रदेशमा थप तीन जना कोरोना संक्रमित भेटिएका छन् ।
धनगढी प्रयोगशालामा पछिल्लो २४ घण्टामा दुई सय ९० जनाको कारोना परीक्षण हुँदा तीन जनामा कोरोना संक्रमण पुष्टि भएको हो ।
आज थपिएका कोरोना संक्रमित कञ्चनपुर जिल्लाको कृष्णपुर नगरपालिका–२ का २७ वर्षीय पुरुष, वडा नम्बर ५ का ३२ वर्षीय पुरुष र भीमदत्त नगरपालिका–९ की ३३ वर्षीय महिला रहेको सेती प्रादेशिक अस्पतालका सूचना अधिकारी दिलिपकुमार श्रेष्ठले बताए।
योसँगै सुदूरपश्चिम प्रदेशमा तीन हजार नौँ सय १४ कोरोना संक्रमित पुगेका छन् । जसमध्ये एक हजार दुई सय ६७ जना विभिन्न अस्पतालबाट डिस्चार्ज भएका छन् ।
प्रकाशित: Jul 11, 2020| 17:57 शनिबार, असार २७, २०७७
