पोखरा– कास्कीका २ जनासहित गण्डकी प्रदेशमा थप १४ जनामा कोरोना पुष्टि भएको छ ।
प्रदेश स्वास्थ्य निर्देशनालय गण्डकीले विज्ञप्ती जारी गर्दै शनिबार बिहान थप १४ जनामा कोरोना पुष्टि भएको जानकारी दिएको हो ।
शनिबार संक्रमित पुष्टि हुने जिल्लामा तनहुँ, म्याग्दी, स्याङ्जा, बागलुङ र कास्कीका छन् । कास्कीका २, बागलुङमा ३, स्याङ्जामा ३, म्याग्दीमा २ र तनुहुँका ४ जनामा कोरोना संक्रमण पुष्टि भएको छ ।
क्वारेन्टिनमा रहेको संक्रमितहरुलाई सम्वन्धित जिल्लाको आईसोलेसन कक्षमा लैजाने तयारी भैरहेको प्रदेश स्वास्थ्य निर्देशनालय गण्डकीका निर्देशक डा. विनोद विन्दु शर्माले जानकारी दिए ।
आज थपिएका संक्रमितसँगै गण्डकी प्रदेशमा संक्रमितको संख्या ११७६ पुगेको छ ।
प्रकाशित: Jul 11, 2020| 17:46 शनिबार, असार २७, २०७७
