काठमाडौं- खैरो हिरोइन र ६ लाख नगदसहित कैलाली प्रहरीले दुई जनालाई पक्राउ गरेको छ।
पक्राउ पर्नेमा टीकापुर नगरपालिका–१ व्यवसाय क्षेत्र बस्ने २८ वर्षीय शंकर भन्ने छत्रबहादुर साउद र वडा नम्बर ६ नारायणपुर बस्ने ३६ वर्षीय मुकेश रावल छन्।
लागुऔषधको कारोवार भइरहेको सूचनाका आधारमा प्रहरीले छत्रको कोठामा छापा मार्दा तीन ग्राम सात सय मिलिग्राम लागुऔषध खैरो हिरोइन, ६ लाख रुपैयाँ नगद र डिजिटल तराजु बरामद गरिएको प्रहरीले जनाएको छ।
प्रकाशित: Jul 11, 2020| 17:04 शनिबार, असार २७, २०७७
