पोखरा– गण्डकी प्रदेशका विभिन्न जिल्लाहरुमा बाढी पहिरोका कारण जनधनको क्षति भएपछि गण्डकी प्रदेश आन्तरिक मामिला तथा कानुनमन्त्री हरिबहादुर चुमानले विज्ञप्ती जारी गर्दै सचेत र सजग रहन आग्रह गरेका छन्।
मन्त्री चुमानले विपद् व्यवस्थापनका लागि सरकारले आवश्यक गृहकार्य गरिरहेको र जोखिम न्यूनीकरणका प्रयास भैरहेको भए पनि अचानक हुने यस्ता घटनाले थप सजगता अपनाउन आवश्यक रहेको विज्ञप्तिमा उल्लेख छ ।
पछिल्लो जानकारी अनुसार गण्डकी प्रदेशका लमजुङ, कास्की र म्याग्दीमा गरी ११ जनाको ज्यान गएको छ। १६ जनाको सकुशल उद्धार गरिएको छ भने १० घर पूर्ण क्षति भएको र ३ घर आंशिक क्षति भएको बताइएको छ । केही अहिले पनि बेपत्ता छन्।
प्रकाशित: Jul 11, 2020| 06:12 शनिबार, असार २७, २०७७
