सुर्खेत– जाजरकोटको बारेकोट गाउँपालिका–४ बोहोराजिरीमा पहिरोमा पुरिएर बेपत्ता हुनेको पहिचान भएको छ। बोहोराजिरीको सार्कीटोलका ८ जना पहिरोमा पुरिएर बेपत्ता भएको जिल्ला प्रहरी कार्यालय जाजरकोटले जनाएको छ।
डीएसपी किशोर श्रेष्ठका अनुसार बेपत्ता हुनेमा सार्कीटोलका गोपाल सार्की, पुष्पा सार्की, लक्ष्मी सार्की र अर्जुन सार्की छन्। यस्तै कालु सार्की, तिर्खा सार्की, कमला सार्की र सुभास सार्की पहिरोमा पुरिएर बेपत्ता भएको उनले बताए।
कुशे गाउँपालिका–९ चौताराका ४ जना बेपत्ता भएका छन्। प्रहरीका अनुसार बेपत्ता हुनेमा डिल्ली सार्की, गौरी सार्की, कविता सार्की
र वीरेन्द्र सार्की छन्। उनीहरूको उद्धारका लागि प्रहरी टोली त्यसतर्फ खटिएको छ।
प्रकाशित: Jul 10, 2020| 11:53 शुक्रबार, असार २६, २०७७
