संघीय संसद सचिवालयले समाजवादी पार्टीकी सांसद सरिता गिरीलाई सांसद पदबाट गरिएको निष्कासनको सूचना सार्वजनिक गरेको छ।
आज (बिहीबार) सूचना जारी गर्दै सचिवालयले पार्टीले गरेको कारबाही जानकारीका लागि प्रकाशन गरेको हो। पार्टीको पत्रअनुसार सरिता गिरीको प्रतिनिधिसभा सदस्य पद रिक्त भएको सूचनामा उल्लेख छ।
गिरी समाजवादी पार्टीकी समानुपातिकतर्फकी सांसद हुन्। अघिल्लो महिना भएको संविधान संशोधन विधेयक सम्बन्धमा उनले पार्टी ह्विप उल्लंघन गरेपछि पार्टीले सांसद र साधारण सदस्यबाट निष्कासन गरेको थियो।
बुधबारमात्रै पार्टीका तर्फबाट संसद सचिवालयमा कारबाहीको पत्र बुझाइएको थियो।
